ဆုံးဖြတ်ခြင်း သဘောကို "အဓိမောက္ခ" လို့ခေါ်ပါတယ်၊ မှားသည်ဖြစ်စေ၊ မှန်သည်ဖြစ်စေ မတွန့်မဆုတ်ဘဲ သက်ဝင်ဆုံးဖြတ်နိုင်ခြင်းဟာ အဓိမောက္ခရဲ့ သဘော လက္ခဏာ ဖြစ်ပါတယ်၊ ဒီအဓိမောက္ခရဲ့ ဆုံးဖြတ်ချက်ကြောင့် ပါဏတိပါတ စတဲ့ ဒုစရိုက်၊ ပါဏတိပါတ၀ိရတိ စတဲ့ သုစရိုက်များ ထမြောက်ရပါတယ်။
ဝိစိကိစ္ဆက ယုံမှားခြင်းသဘော ဖြစ်တဲ့အတွက် ၀ိစိကိစ္ဆာကို ဆန့်ကျင်ဘက် ပြုခြင်းဟာ အဓိမောက္ခရဲ့ အလုပ်ကိစ္စပဲ ဖြစ်ပါတယ်၊ ဒါ့ကြောင့် ၀ိစိကိစ္ဆာသဟဂုတ် စိတ်မှာ အဓိမောက္ခမယှဉ်ဘဲ ရှိရပါတယ်။
ဒီအဓိမောက္ခဟာ မယိမ်းမယိုင် တံခါးတိုင်လို မလှုပ်မရှား ခိုင်မြဲတဲ့တရား ဖြစ်ပါတယ်၊ ယူရမယ့်အာရုံမှာ မြဲခိုင်တည်တံ့တဲ့အတွက် မြို့တံခါးအနီးမှာ စိုက်ထူထားတဲ့ တံခါးတိုင်ကြီးနှင့် တူတဲ့တရား ဖြစ်ပါတယ်။
[ဗုဒ္ဓအလိုတော်ကျ ကြီးပွားချမ်းသာရေး ကိုယ်ကျင့်မင်္ဂလာ၊ မြောင်းမြပဇ္ဇောတာရုံနှင့် မှော်ဘီ သာသနာ့ဝန်ဆောင်ဆရာတော် အရှင်ကုမာရ] စာအုပ်မှ ကူးယူဖော်ပြသည်။
No comments:
Post a Comment