စေတသိက်

 
    စိတ်မှာယှဉ်မှီပြီး အမျိုးမျိုးအထွေထွေဖြစ်အောင် စိတ်ကိုခြယ်လှယ်တတ်တဲ့ ၅၂-ပါးသော သဘောတရားတွေကို "စေတသိက်" လို့ခေါ်တယ်။
    စိတ်ကို ညစ်နွမ်းစေတတ်သော မောဟ-စတဲ့ သဘောတရားတွေ, စိတ်ကို ဖြူစင်စေတတ်သော သဒ္ဓါ-စတဲ့ သဘောတရားတွေဟာ စိတ်မှာ ယှဉ်ကြရပါတယ်၊ စိတ်နှင့် ရောနှောကြရပါတယ်၊ ဒါ့ကြောင့် "စေတသိက်" ဆိုတဲ့ အမည်ကို ရကြပါတယ်။
    ဒီသဘောတရားတွေဟာ စိတ်နှင့်အညီအမျှ အဖြစ်တူ, အပျက်တူ, အာရုံတူ (မှီရာတူ) အနေနဲ့ ယှဉ်တွဲဖြစ်ပေါ်လာကြရပါတယ်။ ဒါ့ကြောင့်စိတ်မှာ ဖြစ်တယ်၊ စိတ်မှာ ယှဉ်တယ်လို့ ဆိုရပါတယ်။
    ဒီသဘောတရားတွေက စိတ်နှင့်အတူတကွ ဖြစ်ကြရာမှာ ဒါက မောဟ, ဒါက သဒ္ဓါ, ဒါကစိတ်လို့ သဘောအထူးကို မသိနိုင်တဲ့အတွက်ဖြစ်သည်မှ ပျက်သည်တိုင်အောင် စိတ်နှင့်တစ်ခုတည်းလို ဖြစ်နေသောကြောင့် စိတ်နှင့်ရောနှောတယ်လို့ ဆိုရပါတယ်။
    ဒီတော့ စိတ်ဆိုတာဟာ သူချည်းသက်သက် ဖြစ်လေ့ မရှိဘူး၊ စိတ်ဆိုးဖြစ်အောင် ပြုလုပ်တတ်တဲ့ စေတသိက်တွေ, စိတ်ကောင်းဖြစ်အောင်ပြုလုပ်တတ်တဲ့ စေတသိက်တွေနှင့် အတူယှဉ်တွဲ ဖြစ်နေရတယ်ဆိုတာ မထင်ရှားဘူးလား၊ ထင်ရှားပါတယ်။
    စိတ်တစ်ခုတစခုမှာ အနည်းဆုံး စေတသိက်-၇ခုက စပြီး ၃၈-ခုထိ ထိုက်သည်အားလျှော်စွာ ပါဝင်နေကြပါတယ်၊ အဲဒီ စေတသိက်တွေဟာ-
    ၁။ ဧကုပ္ပဒ = စိတ်နှင့်အတူဖြစ်ခြင်း,
    ၂။ ဧကနိရောဓ = စိတ်နှင့်အတူချုပ်ခြင်း,
    ၃။ ဧကာလမ္ဗဏ = စိတ်နှင့်အာရုံတူခြင်း,
    ၄။ ဧက၀တ္ထုက = စိတ်နှင့်မှိရာတူခြင်း-
ဆိုတဲ့ လက္ခဏာ ၄-ပါးနှင့်အညီ အတူယှဉ်တွဲ ဖြစ်နေကြရပါတယ်၊ ပြီးတော့ လက်ဖျောက်တီး တစ်ချိန်အတွင်းမှာ စိတ်ကုဋေသိန်းပေါင်းများစွာဖြစ်နိုင်တယ်၊ စိတ်ဟာ အင်မတန်မြန်တယ်ဆိုထားတော့ စေတသိက်တွေကလဲ မမြန်လို့ မဖြစ်တော့ဘူး၊ စိတ်လိုပဲ မြန်ကြပါတယ်။
    စိတ်တစ်ခုတစ်ခု ဖြစ်ပေါ်လာတဲ့အခါ ယှဉ်ဘက်စေတသိက်တွေကလဲ တစ်ပြိုင်နက်ဖြစ်ပေါ်လာကြရပါတယ်၊ အဲဒီလို ဖြစ်ပေါ်လာပေမယ့် စိတ်ကသာ ရှေ့သွားခေါင်းဆောင် ဖြစ်တဲ့အတွက် စိတ်ဖြစ်တယ်, စိတ်နဲ့ ပြုလုပ်တယ်-စသည်ဖြင့် ဘုရားရှင်ကလဲ ဟောတော်မူထားပါတယ်၊ လောကမှာလဲ ပြောရိုးဆိုစဉ် ရှိနေပါတယ်။
    စိတ်ဟာ ယှဉ်ဘက်စေတသိက်တွေကို ဖြစ်ပေါ်စေတတ်တ့ အကြောင်းတရားဖြစ်ပါတယ်၊ စိတ်မဖြစ်ရင် စေတသိက်တွေက သူတို့ချည်းသက်သက် မဖြစ်နိုင်ကြပါ၊ စိတ်ကတော့ အချို့အချို့သာ စေတသိက်တွေ မဖြစ်ပေမယ့် ဖြစ်နေတာပါပ၊ ဒါ့ကြောင့် စိတ်ကသာ စေတသိက်တွေရဲ့ ရှေ့သွားခေါင်းဆောင်တရားဖြစ်ပါတယ်။
    ခွက်တစ်ခွက်ထဲမှာ ထည့်ထားပြီး တစ်နေ့လုံး မွှေထားတဲ့ ရေအမျိုးမျိုးတို့ရဲ့ ထူခြားမှု, ဆီအမျိုးမျိုးတို့ရဲ့ ထူးခြားမှုကို အဆင်း အနံ့အရသာတွေက ထူးခြားတဲ့အတွက် မြင်လိုပဲဖြစ်ဖြစ်, နမ်းကြည့်လို့ပဲဖြစ်ဖြစ် သိမယ်-ဆိုရင် သိနိုင်စရာ ရှိပါသေးတယ်၊ အဲဒီလို သိနိုင်ကောင်းပေမယ့် အဲဒီလို သိတာဟာ အင်မတန် ခဲယဉ်းလှပါတယ်။
    အာရုံတစ်ခုတည်းကို အာရုံပြုလို့ဖြစ်နေကြတဲ့ စိတ်စေတသိက်ဆိုတဲ့ နာမ်တရားတွေရဲ့ အထူးကို အသီးအသီးခွဲခြားပြီး (ဒါက စိတ်,ဒါက ဖဿ, ဒါက ဝေဒနာ-စသည်ဖြင့်) နာမပညတ်ကို ထုတ်ဆောင်ဟောတော်မူတဲ့ မြတ်စွာဘုရားက အတိုင်းထက်အလွန် ခဲယဉ်းတဲ့အလုပ်ကို ပြုလုပ်ခဲ့ပါပေတယ်။
    င်္ဂဂါ, ယမုနာ, အစိရသတီ, မဟီ, သရဘူဆိုတဲ့ မြစ်ကြီး ၅-သွယ်တို့ရဲ့ စီးဝင်ရာ မဟာသမုဒ္ဒရာရေကို လျှာ်နဲ့လျက်ကြည့်လို့ "ဒီရေကားင်္ဂဂါမြစ်ရေ, ဒီရေကား ယမုနာမြစ်ရေ, ဒီရေကား အစိရ၀တီမြစ်ရေ, ဒီရေကား မဟီမြစ်ရေ, ဒီရေကား သရဘူမြစ်ရေ" လို့ ပိုင်းခြားသိနိုင်ရန် ခဲယဉ်းလှသလို အာရုံတစ်ခုတည်းကို အာရုံပြုလို့ အတူတကွ ဖြစ်နေကြတဲ့ စိတ်စေတသိက်တရားတွေကို "ဒါက တွေ့ထိမှု ဖဿ, ဒါက ခံစားမှုဝေဒနာ,
ဒါက စေ့ဆော်မှုစေတနာ, ဒါက အာရုံကိုသိမှုစိတ်ဖြစ်တယ်" လို့ ပိုင်းခြားသိမြင်နိုင်မှုဟာ အတိုင်းထက်အလွန် ခဲယဉ်းတဲ့အရာ ဖြစ်ပါတယ်၊ အဲဒီလို ခဲယဉ်းတဲ့အရာကို ဗုဒ္ဓမြတ်စွာက ပိုင်းခြားဝေဖန်လို့ ပြတော်မူခဲ့ပါပေတယ်။    ဒီလိုဖြစ်နေကြတဲ့ စိတ်စေတသိက်တွေကို သဗ္ဗညုတဥာဏ်ရှင်ဖြစ်လိုသာ ဒီလို ခွဲခြမ်းဝေဖန်သိမြင်နိုင်တာ ဖြစ်ပါတယ်၊ သဗ္ဗညုတဥာဏ်မရှိတဲ့ သိပ္ပံပညာရှင်တွေက ဘယ်လိုလောကဓာတ်နည်းနဲ့ ဘယ်လိုဓာတ်ခွဲကြည့်လို့မှ "ဒီသဘောကား ဖဿ, ဒီသဘောက ဝေဒနာ, ဒီသဘောကားသညာ-စသည်ဖြင့်" ခွဲခြမ်းဝေဖန်လို့ ရှေးကလဲ မသိမြင်နိုင်ခဲ့ကြပါ၊ အခုလဲ မသိမြင်နိုင်ကြ၊ နောက်ကမ္ဘာအဆက်ဆက်မှာလဲ သိမြင်နိုင်ကြမယ် မဟုတ်ပါ။
    ဒါ့ကြောင့် အရှင်နာဂသိန်က မိလိန္ဒမဟာရာဇာအား ဒီသဘောအဓိပ္ပာယ်ထင်ရှားအောင် သမုဒ္ဒရာဝယ် မြစ်ကြီး ၅-သွယ်က စီးဝင်တဲ့ ရေကို ဥပမာပြကာ မိန့်တော်မူပါတယ်။

[ဗုဒ္ဓအလိုတော်ကျ ကြီးပွားချမ်းသာရေး ကိုယ်ကျင့်မင်္ဂလာ၊ မြောင်းမြပဇ္ဇောတာရုံနှင့် မှော်ဘီ သာသနာ့ဝန်ဆောင်ဆရာတော် အရှင်ကုမာရ] စာအုပ်မှ ကူးယူဖော်ပြသည်။