ကြံစည်ခြင်းသဘောကို "၀ိတက်" လို့ခေါ်ပါတယ်၊ စိတ်ကို အာရုံသို့ ရောက်လို့ရောက်လို့သွားအောင် ကြံစည်ခြင်းလို့ ဆိုလိုပါတယ်၊ စိတ်ကူးခြင်း, စဉ်းစားခြင်းပဲဖြစ်ပါတယ်။
သမ္ပယုတ်တရားတွေကို အာရုံသို့တင်ပေးခြင်းစာ ၀ိတက်ရဲ့ သဘောလက္ခဏာပဲ ဖြစ်ပါတယ်၊ အကြံအစည်များကာ ၀ိတက်အားကြီးနေတဲ့အခါ အိပ်မပျော်ခြင်းမှာလဲ ၀ိတက်က စိတ်ကို အာရုံသစ်သို့ ရောက်လျက်ရောက်လျက်သွားအောင် တင်ပေးနေတဲ့အတွက်ကြောင့်ပဲ ဖြစ်ပါတယ်။
ဝိတက်ရဲ့ အာရုံသစ်သို့ တင်ပေးပုံကို မင်းကျွမ်းဝင်သူနှင့် နှိုင်းယှဉ်ပြကြပါတယ်၊ ဇနပုဒ်ကျေးတော်သား တစ်ယောက်က မင်းကို ၀င်ရောက်ခံစားလိုပေမယ့် မိမိတစ်ဦးတည်း မ၀င်ရောက်နိုင်တဲ့အတွက် မြို့ခံမင်းကျွမ်းဝင်သူကို အမှီပြုကာ ၀င်ရောက်ရပါတယ်၊ မင်းကျွမ်းဝင်သူက ပို့ဆောင်ပေးတာနဲ့ မင်းကို ခစားခွင့် ရပါတယ်။ [မင်းနှင့်အာရုံ, ဇနပုဒ်သားနှင့် သမ္ပယုတ်တရား, မကျွမ်းဝင်သူနှင့် ၀ိတက်တို့ တူကြပါတယ်။]
အခါခါတီးခေါက်ခြင်း, အဖန်ဖန်တီးခေါက်ခြင်းဟာ ၀ိတက်ရဲ့ လုပငန်းကိစ္စဖြစ်ပါတယ်၊ အာရုံတစ်ခုကို ထပ်တလဲလဲ ကြံစည်နေတာကိုပဲ ခေါက်တယ်လို့ ဆိုပါတယ်၊ ကမ္မဌာန်းအားထုတ်ရာမှာ ပထ၀ီလို့ အာရုံပြုနေတာဟာ အဲဒီအာရုံကို ဒေါက်ဒေါက်လို့ ထပ်တလဲလဲ ခေါက်သလို ဖြစ်ပါတယ်၊ ကာမဂုဏ်ကို ထပ်တလဲလဲ ကြံစည်နေတဲ့အခါမှာလဲ အလားတူပဲ ဖြစ်ပါတယ်၊ အာရုံကိုရောက်အောင် စိတ်ကို ဆောင်တတ်တဲ့တရားလို့ ဥာဏ်ထဲမှာ ထင်လာအောင်ရှုဆင်ခြင်ပါ။
ဝိတကမယှဉ်တဲ့စိတ်များက အာရုံယူနိုင်ပုံ
ဝိတက်မယှဉ်တဲ့ ဒွေးပဉ္စ၀ိညာဉ်နှင့် ဒုတိယဈာန်-စတဲ့ စိတ်တွေက အာရုံသို့ တင်ပေးမယ့် ၀ိတက်မပါရှိပေမယ့် ပဉ္စရုံတွေရဲ့ ထိထိုက်မှုအစွမ်းနှင့် ဥပစာရ ဘာဝနာရဲ့ အစွမ်းကြောင့် အာရုံသို့ တက်ရောက်နိုင်ကြပါတယ်။
နည်းနည်းလေးအကျယ်ချဲ့ကာ ပြောပြပါဦးမယ်၊ ဒွေးပဉ္စ၀ိညာဉ်က တင်ပေးမယ့် ၀ိတက်နှင့် မယှဉ်ပေမယ့် စက္ခု-စတဲ့ ပဉ္စ၀တ္ထုမှာ ရူပါရုံ-စတဲ့ ပဉ္စာရုံတွေရဲ့ ထိခိုက်မှုက ထင်ရှားလှတဲ့အတွက် အာရုံသို့ တက်ရောက်နိုင်ကြပါတယ်၊ အင်မတန် ထင်ရှားနေတဲ့ အာရုံပေါ်မှာ ၀ိတက်က တင်ပေးစရာမလိုပါ။
ဒုတိယဈန်-စသည်တို့ မဥပါဒ်ခင် ရှေ့အဖို့မှာ ဖြစ်တဲ့ ကာမာဝစရဘာဝနာ စိတ်ကို ဥပစာရဘာသနာလို့ ခေါ်ပါတယ်၊ အဲဒီ ဥပစာရဘာဝနာက ပထ၀ီကသိုဏ်း-စတဲ့ အာရုံကို မိမိရရ အသားကျအောင် ယူပြီးမှ ဈာန်တရားတို့ ဥပါဒ်နိုင်ကြပါတယ်၊ ဥပစာရဘာသနာက ၀ိတက်နှင့် တွဲဖက်လို့ ပရိကံ, ဥပစာ, အနုလုံ, ဂေါတြဘူတိုင်အောင်သော ကိစ္စနဲ့ ကျကျနနယူပြီးတဲ့ အာရုံကို ခူးပြီးစားထမင်း စားရသူလို အလွယ်တကူ ဆက်လက်ယူရတဲ့ ဒုတိယဈန်-
စသည်တို့မှာလဲ ၀ိတက်မပါတဲ့အတွက် မယူနိုင်ရန်အချက် မရှိတော့ပါ။
စေတနယ, မနသိကာရ, ၀ိတက်အထုူး
အာရုံမှာ သမ္ပယုတ်တရားတွေကို ဖွဲ့စပ်ပေးခြင်းဟာ စေတနာရဲ့သဘော ဖြစ်ပါတယ်၊ သမ္ပယုတ်တရားတွေကို အာရုံနှင့် ယှဉ်စပ်ပေးခြင်းဟာ မနသိကာရရဲ့ လုပ်ငန်းကိစ္စ ဖြစ်တယ်-လို့ ဆိုထားခဲ့ပါတယ်၊ တစ်ဖန် သမ္ပယုတ်တရားတွေကို အာရုံသို့တင်ပေးခြင်းဟာ ၀ိတက်ရဲ့ သဘောလက္ခဏာ ဖြစ်တယ်လို ဖြစ်နေပါတယ်၊ ဒါကြောင့် ဘယ်လိုထူးကြသလဲလို့ မေးစရာရှိနေပါတယ်။
ပြိုင်လှေတစ်စင်းကို လှော်ကြရာမှာ-လှေဦးက ပနးဆွတ်သူ-၀မ်းက လှော်သူ, ပဲ့က ပဲ့ကိုင်သူ၊ ဒီလူ ၃-ယောက်တို့က လှေကို ပြိုင်တူလှော်ကြပေမယ့် ၀မ်းကလှော်သူမှာ ပန်းတိုင်သို့ အတွင်ရောက်အောင် လှော်ပေးရန်သာ အရေးကြီးပါတယ်၊ ပဲ့ကိုင်သူမှာ ပန်းတိုင်သို့ အတွင်ရောက်အောင် လှော်ပေးရန်သာ အရေးကြီးပါတယ်၊ ပဲ့ကိုင်သူမှာ ပန်းတိုင်သို့ ဖြောင့်ဖြောင့်သွားစေဖို့သာ အရေးကြီးပါတယ်၊ ဦးကလှော်သူမှာ ပန်းတိုင်သို့ရောက်တဲ့အခါ ပန်းဆွတ်ဖို့သာ အရေးကြီးပါတယ်။
ဒီဥပမာအတိုင်းပါပဲ၊ ၀ိတက်မှာ သမ္ပယုတ်တရားတွေကို အာရုံသို့ ရောက်သွားအောင် အတင်းနှင်ကာ တင်ပေးဖို့တာဝန် ရှိပါတယ်၊ လှေဝမ်းက လှောသူနှင့် တူပါတယ်၊ မန၀ိကာရမှာ အာရုံသို့ ဖြောင့်ဖြောင့်ရောက်အောင် သမ္ပယုတ်တရားတွေကို ဖြောင့်ပေးဖို့တာဝန်ရှိပါတယ်၊ ပဲ့ကိုင်သူနှင့် တူပါတယ်၊ စေတနာမှာ အာရုံ၌ သမ္ပယုတ်တရားတွေကို စပ်ဖွဲ့ပေးဖို့ လုပ်ငန်းကိစ္စရှိနေပါတယ်၊ ပန်းဆွတ်သူနှင့်တူပါတယ်။ [အာရုံက ပန်းတိုင်နှင့် တူပါတယ်၊ သမ္ပယုတ်တရားတွေက လှေနှင့် တူပါတယ်။]
မကောင်းဝိတက် ၃-ပါး
ကာမ၀ိတက်, ဗျာပါဒ၀ိတက်, ၀ိဟိံသာဝိတက်လို့ မကောင်းတဲ့ဝိတက် ၃-မျိုးရှနေပါတယ်၊ အဲဒီ ၃-မျိုးအနက် ရူပါရုံ, သဒ္ဒါရုံ-စတဲ့ ကာမအကြောင်းအရာ, ကာမဂုဏ်မှု ကိစ္စစုတွေကို ကြံစည်စိတ်ကူးခြင်း, ပစ္စည်းဥစ္စာရှာဖွေမှုကို ကြံစည်စိတ်ကူးခြင်း-စတဲ့ လောဘမကင်းသော ကြံစည်စိတ်ကူးမှု ဟူသမျှကို ကာမ၀ိတက်လို့ ခေါ်ပါတယ်။
သူတစ်ပါးကို ပျက်စီးစေလိ,ု သေစေလိုတဲ့ ဒေါသကို ဗျာပါဒလို့ ခေါ်ပါတယ်၊ အဲဒီဒေါသနှင့် ယှဉ်ပြီး ရိုက်ပုတ်သတ်ဖြတ်ဖို့ရန် ကြံစည်ခြင်း, တစ်နည်းနည်းနဲ့ ၃-မျိုးအနက် တောထွက်ဖို့, ရသေ့ ရဟန်းပြုဖို့, လှူဒါန်းဖို့, ဥပုသ်သီလဆောက်တည်နေဖို့, တရားအားထုတ်ဖို့-စတဲ့ လောဘတဏှာလွတ်ကင်းတဲ့ ကြံစည်စိတ်ကူးမှုကို နေက္ခမ္မ၀ိတက်လို့ ခေါ်ပါတယ်။
ဝိဟိံသာဆိုတဲ့ ဒေါသရဲ့ ဆန့်ကျင်ဘကဖြစ်တဲ့ ကရုဏာကိုပဲ အ၀ိဟိံသာ-လို့ခေါ်ပါတယ်၊ အာဒိကရုဏာနှင့် ယှဉ်ပြီး ဒုက္ခိတသတ္တ၀ါများကို ဒုက္ခက ကယ်ဆယ်ဖို့ရန် ကြံစည်စိတ်ကူးခြင်း, တစ်နည်းနည်းနဲ့ ဒုက္ခကလွတ်ကင်းအောင် ကြံစည်ခြင်းကို အ၀ိဟိံသာဝိတက်လို့ ခေါ်ပါတယ်။
မကောင်းတဲ့ဝိတက်တွေကို ရှောင်ကြဉ်ပြီး ကောင်းတဲ့ဝိတက်တွေသာ ကိုယ့်သန္တာန်မှာ ဖြစ်ပွားလာအောင် ကြိုးစားထူထောင်နိုင်ကြပါစေ။
[ဗုဒ္ဓအလိုတော်ကျ ကြီးပွားချမ်းသာရေး ကိုယ်ကျင့်မင်္ဂလာ၊ မြောင်းမြပဇ္ဇောတာရုံနှင့် မှော်ဘီ သာသနာ့ဝန်ဆောင်ဆရာတော် အရှင်ကုမာရ] စာအုပ်မှ ကူးယူဖော်ပြသည်။
No comments:
Post a Comment