ငြိမ်သက်သောနေ့ ၃

ဒီနေ့ မနက်စောစောစီးစီးကတည်းကသူမအလာကိုစောင့်ကြည့်နေမိသည်။အတန်းတက်ချိန်တိုင်သည်အောင်
သူမ ရောက်လာသည်ကို မတွေ့ရပေ။အတန်းတက်ချိန်နီး၍ ရဲနိုင်က   ငါသွားတော့မယ်ကွာ  အတန်းတက်နေပြီ


မောင်ငယ်က


ထွန်းအောင်ကိုပြောပေးပါကွာ  roll no ခေါ်ရင် နှင်းစန်နီအတွက် roll call ကို ခြစ်ပေးပါလို.


အေးပါကွာ မင်းလည်းကြာကြာဒီနေရာမှာမနေနဲ့ တော်ကြာနေ ကျောင်းအုပ်ကြီး


ကျောင်းကိုလှည့်ပတ်ကြည့်တဲ့အခါ မိနေအုံးမယ် ဟုရဲနိုင်ကပြောဆို၍ ထွက်သွားသည်။


ထွန်းအောင်သည် ကျွန်တော်တို့အတန်း၏အတန်းခေါင်ဆောင်ဖြစ်ရာ     roll callကို မနက်တိုင်း


သူခေါ်ပြီး roll call ပေးရသည်။  roll callစာအုပ်ကိုလည်းသူတစ်ယောက်ဘဲ သွားယူပြန်ထား လုပ်ရသည်။


ဒီနေ့မနက်သူမ ဘာကြောင့်အတန်းမတက်သနည်း။နေမကောင်း၍လား၊ တစ်ခုခုကြောင့်လား ၊

အတွေးများဖြင့် နှလုံသားကိုဆူပွက်စေသည်။သူမ အဆောင်ရှိရာဘက်သို့ ငေးမျှော်ကြည့်ရင်း

ဘာများဖြစ်နေသလဲ ဟူသော အတွေးကြောင့်လည်း စိတ်ပူပင်သောက ဖြစ်ရကာ နှလုံးသားကို လောင်မြှိက်စေသည်။

ကျွန်တော်၏ခန္ဓာကိုယ်သည် ကျောင်းဝင်းအတွင်း၌ပင်ရှိနေသော်လည်း ကျွန်တော်ရဲ့အတွေးများ အားလုံးသည်

သူမဆီသို့သာရောက်နေသည်။ ကျွန်တော်အတွက် သူမ မရှိသောအချိန်သည် ရင်၌ပူလောင်စေ၍

သူမအတွက် စိုးရိမ်သောက၊ပူပင်မှုကို ဖြစ်စေသည်။ ဖြစ်နိုင်လျှင် ကျောင်းဝင်းအတွင်းမှ ချက်ချင်းထွက်ပြီး

သူမရှိသောနေရာသို့သွား၍ သူမမျက်နှာကို မြင်တွေ့ချင်သည်။သူမရဲ့လိုအပ်ချက်များကို ကူညီပေးချင်မိသည်။

သူမအကြောင်းတွေးရင်း နှင့်ပင် ပထမအချိန်ပြီးသွားပြီးဖြစ်သော ခေါင်းလောင်းသံပေါ်လာမှ
အတန်းချိန်တစ်ချိန်ပြီးသွားပြီ  ဖြစ်ကြောင်းသိလိုက်သည်။

ဒုတိယအချိန် အတက်တွင် စက်ဘီးနှင့်ကျောင်းဘက်သို့လာနေသော သူမပုံရိပ်ကိုမြင်ရသည်။

သူမပုံရိပ်ကို အဝေးမှမြင်ရသည်နှင့် ကျွန်တော်ရင်၌ရှိခဲ့သော ပူလောင်မှုများသည် ချက်ခြင်းပင်ကင်းစင်ပျောက်၍
နှလုံးသားကို ငြိမ်းအေးစေသည်။

ဒီတစ်ကြိမ်တွင် သူမသည် စက်ဘီးကို ရုံးခန်းနှင့်မျက်နှာခြင်းဆိုင်တွင် မထားတော့ဘဲ။သူမ၏ စာသင်စားပွဲမှ
လှမ်းမြင်နိုင်သော ကျွန်တော်တို့အတန်းနှင့်မျက်နှာခြင်းဆိုင်တွင် ထား၍ အတန်းဘက်သို့တက်သွားသည်။

ဇာနည်ကရောက်လာ၍

မောင်ငယ်ရေ ကောင်မလေးကတော့ မနေ့က မင်းသူစက်ဘီးကို စာကတ်လိုက်လို့နဲ့တူတယ်
ဒီနေ့တော့ သူလှမ်းမြင်နိုင်တဲ့နေရာမှာ စက်ဘီးကိုထားတယ်ကွ။

 မောင်ငယ်က
 ဒါဆိုလည်း ငါတို့ဒီနေ့ ဒီလိုလုပ်ရအောင်ကွာ...................အဲဒါဟိုကောင်တွေကိုပြောနှင့်လိုက်
ငါခဏနေရင်လာခဲ့လိုက်မယ်။

အေးအေး OK ဟု ဇာနည်ကပြောပြောဆိုဆိုနှင့်ထွက်သွားသည်။

ရန်အောင်သည် ငယ်စဉ်ကပင် ဗေဒင်ပညာကို စိတ်ဝင်တစား လေ့လာလိုက်စားသူ ဖြစ်ရာ ဂဏန်းဗေဒင်၊မဟာဘုတ်၊ရာသီဗေဒင်၊တာရော့၊ဖဲဗေဒင် စသည့်ဗေဒင်မျိုးစုံကို
ကျေညက်ပိုင်နိုင်သူလည်းဖြစ်သည်။

ဒီနေ့ အတန်းတစ်ချိန်နှင့်တစ်ချိန်  ဆရာအကူးအပြောင်းတွင် ရန်အောင်သည် မြို့ထဲမှဝယ်လာသော
တာရော့ကတ်အသစ်လေးများကို အသုံးပြူ၍ ဗေဒင်ဟောနေသည်။

မိုးမိုးနှင့်ငယ်ငယ်တို့ကလည်း ဗေဒင်မေးကြရာ  မှန်သဖြင့်
ငယ်ငယ်က
နှင်းစန်နီ ဗေဒင်မေးချင်လာခဲ့လေ ကိုရန်အောင် ဟောတာတော်တော်မှန်တယ် ဟုပြောလိုက်သည်။

နှင်းစန်နီက  တော်ပါပြီဟာ ဟုပြောကာ ထိုင်ခုံမှ ကော်ရပ်တာသို့ထွက်၍ စက်ဘီးဘက်သို့ငေးကြည့်နေသည်။

အတန်းထဲမှ ကျောင်းသားကျောင်းသူများသည် ဗေဒင်ဟောရာသို့စိတ်ဝင်တစားဝိုင်းအုံနေကြပြီး

တစ်ယောက်တစ်မျိုးပြောကြရာ အတန်းထဲတွင် ဆူညံနေသည်။
်
အတန်းထဲတွင် လူရှုပ်၍ဆူညံနေခြင်းကြောင့် ကော်ရပ်တာသို့ထွက်သွားခြင်းလည်းဖြစ်နိုင်သည်။

ထိုအချိန်တွင် အောင်အောင်၊ဇာနည်၊ထက်ဖြိုး၊ရဲနိုင်၊ထွန်းအောင်တို့က နှင်းစန်နီတို့ ခုံကို သူများမမြင်အောင်
ဝိုင်းကာရင်း အချက်ပြနေပြီမို့ ကျွန်တော်သည် အသင့် ယူလာသော    ကဗျာကို နှင်းစန်နီ လွယ်အိတ်ထဲသို့
ထည့်၍ ဗေဒင်မေးနေသောလူအုပ်ထဲသို့ မသိမသာ တိုးဝင်လိုက်သည်။

ညနေကျောင်းဆင်းချိန်တွင်

စက်ဘီးနားအရောက်တွင် စက်ဘီးကိုကြည့်၍   နှင်းစန်နီက မိုးမိုးဘက်သို့လှည့်ပြီး

ငါတို့တစ်ချိန်လုံး စက်ဘီးကိုစောင့်ကြည့်နေလို့ ဒီနေ့စက်ဘီးကိုစာမကတ်တော့ဘူးဟုပြောရင်း
စက်ဘီးဖွင့်ရန် လွယ်အိတ်ထဲမှ စက်ဘီးသော့ကို စမ်းလိုက်ရာ စာရွက်တစ်ရွက်တွေ့၍ဖတ်ရာ
သူမကိုသတိရကြောင်းရေးသောကဗျာတစ်ပုဒ်ဖြစ်နေသည်။

နှင်းစန်နီက နောက်ရက်တွေ မပေးနိုင်အောင် ငါတို့ပစ္စည်းတွေက်ိုသေချာကြည့်ရမယ်ဟုပြောရင်း
စက်ဘီးနှင်း၍ကျောင်းဝင်းအပြင်ဘက်သို့ထွက်သွားကြလေသည်။

သူတို့ရဲ့ပုံရိပ်တွေဝေး၍ ပျောက်ကွယ်သည်အထိ ကျောင်းဆောင်မှန်အမဲများကြားမှ
ငေးကြည့်နေသူ တစ်ဦးကိုမှု သူတို့သိမည်မဟုတ်ပေ။


ဆက်ရန်

မောင်ငယ် (မုံရွာနည်းပညာတက္ကသိုလ်)

ငြိမ်သက်သောနေ့ ၂

မနက်ဖြန်တွင် ကဗျာပေးရန်အတွက် စာရွက်ဝယ်ရန် သူငယ်ချင်းများကိုခေါ်ရာ ဒီနေ့မှ တစ်ယောက်တစ်လေမှ မအားသောကြောင့်လိုင်းကားစီးပြီးမြို့ထဲသို့ထွက်လာခဲ့သည်။ လမ်းထိပ်အရောက်တွင် မထင်မှတ်ဘဲ လိုင်းကားပေါ်တက်လာသောသူမကိုတွေ့ရသည်။


နှင်းစန်နီမြို့ထဲသွားမလို့လား။ သူငယ်ချင်းတွေရော   မောင်ငယ်ကစတင်နှုတ်ဆက်လိုက်သည်။


ငယ်ငယ်နဲ့မိုးမိုးတို့ရောပါတယ်ဟိုမှာလေ။       နင်းစန်နီကပြန်ဖြေသည်။


ကားပေါ်တွင်လူများနေသောကြောင့်နေရာကြပ်လျှက်ရှိရာရပ်လိုက်ရသူများအဖို့မူ သက်တောင့်သက်သာမရှိလှပေ။ သူမကိုလည်းကြာရှည်စွာရပ်ပြီးမလိုက်စေလို။ သူမကိုနေရာပေးပြီးကျွန်တော်ဆက်ရပ်လိုက်မည်ဆိုလျှင်အားနာပြီး  သူမလက်ခံလိမ့်မည်မဟုတ်ပေ။ထို့ကြောင့်


နှင်းစန်နီ ကျွန်တော်နေရာမှာလာထိုင်လေ ကျွန်တောင်ရှေ့မှတ်တိုင်မှာဆင်းမှာ


ပြောပြောဆိုဆိုနှင့်သူကိုနေရာပေးပြီးနောက်ကျွန်တော်ဆင်းနေခဲ့လိုက်သည်။


အချစ်ဆိုသည်မှာ ချစ်သူသိသည်ဖြစ်စေ မသိသည်ဖြစ်စေ ဘာမျှမျှော်လင့်ခြင်းစိုးစင်းမရှိ
သူမအတွက်စောင့်ရှောက်ပေးချင်မိသည်။


မနက်အစောကြီးထဲကသူမအလာကိုအပေါ်ထပ်မှစောင့်ကြည့်နေမိသည်။  ၈နာရီထိုးခါနီးတွင် သူမတို့တစ်တွေစက်ဘီးကိုစီနှင့်ဝင်လာကြပြီး ရုံးခန်းနှင့်မျက်နှာခြင်းဆိုင်တွင်စက်ဘီးကိုရပ်လိုက်ပြီး အတန်းဘက်သို့တက်သွားသည်။ ကျွန်တော်လည်းစက်ဘီးရှိရာသို့ ဆင်းသွားလိုက်သည်။ ကျောင်းအုပ်ရုံးရှေ့မလည်မဝယ်နှင့်ပိတ်ရပ်နေသော ထက်ဖြိုး၊ထွံန်းအောင်၊ဇာနည်တို့ကစလုပ်လို့ရကြောင်းအချက်ပြသည်။ ထိုပြင်အခန်းရှေ့ရပ်နေသောရန်အောင်နှင့်အောင်အောင်က လုပ်ဆောင်ရန်အချက်ပြပြီမို့အသင့်ယူလာသောကဗျာကို သော့ကလောက်နားတွင်ကပ်ပြီးမသိမသာထွက်လာခဲ့သည်။ သူမတို့သူငယ်ချင်းတစ်တွေသည်နေလည်စာကိုထမင်းချိုင့်ယူလာပြီး ကျောင်းတွင်စားလေ့ရှိသည်။


ညနေကျောင်းဆင်းချိန်တွင်သူမသော့ကလောက်နားကကဗျာကိုဖတ်ပြီး အဆောင် ကိုပြန်သွားသည်ကိုအတန်းရှေ့ကော်ရပ်တာမှန်အမဲများကြားမှ သူမ မသိအောင်သူမအပြန်ကိုငေးကြည့်နေမိသည်။   ရန်အောင်က ဒီလောက်ကြည့်ရရင်လည်းတော်ပါတော့ကွာ ဆင်းကြပါစို့ကွာနော်။


မောင်ငယ်ကခဏလောက်နေပါအုံးကွာ မြင်ကွင်းထဲကပျောက်သည်ထိ ငါငေးကြည့်နေပါရစေကွာ။ သူမမျက်နှာက ငါအတွက်တော့ဘယ်အချိန်ကြည့်ကြည့်ရှု့လို့မဝနိုင်ဘူးကွာ။ သူမမျက်နှာပေါ်ကဖြစ်ပေါ်လာတဲ့အမူအရာလေးတွေက ငါအသည်းနှလုံးကိုရင်ခုန်စေတယ်။ အချစ်ဆိုတဲ့ရင်ထဲကခံစားမှုကြောင့် သူမမျက်နှာကိုဖတ်မိတဲ့အခါတိုင်းလောကကြီးတစ်ခုလုံးကိုငါမေ့နေတတ်တယ်။


ဒါဆိုလဲသူသိအောင်တော့လုပ်လေ။လျှိုလျှိုဝှက်ဝှက်မလုပ်နဲ့လေကွာ။ ထက်ဖြိုးကအားမရသလိုပြောလိုက်သည်။


ငါခံစားချက်ကိုငါလည်းဘယ်မျိုသိပ်ချင်မလဲကွာ။ငါက ငါချစ်တဲ့သူကိုအရှက်မရစေချင်သလို ဘယ်သောအခါမှငါနဲ့ပါတ်သက်ပြီးမခံစားစေချင်သလို မသိမ်ငယ်စေချင်ဘူး။မောပန်းလွန်းလှတဲ့ဘဝမှာ အချစ်ကိုသူအတွက်ဝန်ထုပ်ဝန်ပိုးမဖြစ်စေချင်ဘူး ငါအချစ်တွေကလေပြေလေညင်းလိုဘဲ သူရဲ့ဘဝအမောတွေကို လျော့အောင်လုပ်ပေးချင်တာ


အချစ်ဆိုတာသိသည်ဖြစ်ဖြစ်မသိသည်ဖြစ်ဖြစ်ကိုယ်ချစ်သူဘဝကိုသာယာ စေချင်တာဘဲလေ။


ဆက်ရန်

မောင်ငယ် (မုံရွာနည်းပညာတက္ကသိုလ်)

ငြိမ်သက်သောနေ့

တိတ်တိတ်ဆိတ်ဆိတ်ငြိမ်သက်စွာဘဲ အေးအေးဆေးဆေးနေခဲ့မိတယ်။ခံစားချက်ကိုသူမြင်သွားမှာဆိုးလို့။မျိုသိပ်ခြင်းဟာ ချစ်ခြင်းကြောင့် ဖြစ်တည်ဆင်းသက်လာခဲ့သလား။မျိုသိပ်ခြင်းဟာချစ်ခြင်းရဲ့အမှတ်အသားဘဲလား လောကကြီးကိုအော်ဟစ်ခါမေးလိုက်ချင်တယ်။


နံနက်ခင်းအလင်းရောက်သည်နှင့် နေမင်းသည်တဖြည်းဖြည်းနေရောင်လေးများကိုဖြန့်ကျဲနေသည်။မနက်ဆိုလျှင်ကျွန်တော်တို့ သူငယ်ချင်းတစ်စုသည် ကျောင်းနှင့်တည့်တည့်မျက်နှာခြင်းဆိုင်လက်ဘက်ရည်ဆိုင်တွင်တစ်ယောက်အလာတစ်ယောက်စောင့်ရင်း အားလုံးစုံမှကျောင်းထဲဝင်လေ့ရှိသည်။ဆိုင်ထဲတွင် မောင်ငယ်၊ထွန်းအောင်၊ထက်ဖြိုး၊ဇာနည်၊ရဲနိုင်တို့ရောက်နေကြပြီးဖြစ်သည်။အောင်အောင် နှင့်ရန်အောင်တို့သည်အမြဲနောက်ကျမှရာက်လာတတ်ကြပြီးအောင်အောင်နှင့်ရန်အောင် သူကြောင့် ငါကြောင့်နောက်ကျသည်ဟုငြင်းခုံလေ့ရှိသည်။အခု လည်း အောင်အောင်က ရန်အောင်ကွာ သူကိုသူသနေတာမပြီးတော့ဘူး။ ရန်အောင်ကလည်း မင်းကရော ကျောင်းယူပြီးမစီးတဲ့စက်ဘီးကိုရေဆေးနေတယ် ဟုငြင်းခုန်ကြပြန်လေပြီ။

ငါ ကောင်မလေး တစ်ယောက်ကိုချစ်နေမိပြီ
မောင်ငယ်ကသက်ပြင်းချရင်းပြောလိုက်ရာ အားလုံးရဲ့အကြည့်သည် မောင်ငယ် ထံသို့ရောက်ကုန်ကြသည်။

ဘယ်သူကိုချစ်နေတာလဲ ဇာနည် ကစိတ်ဝင်တစား မေးလိုက်သည်။

ငါတို့ သူငယ်ချင်းတွေ ဝိုင်းကူကြမှာပေါ့
ထက်ဖြိုး ကအားမလိုအားမရသံနှင့်ပြောလိုက်သည်။ အတန်ကြာအောင် ပြောမထွက်ဘဲ နေပြီးမှ ငါချစ်မိတာ နှင်းစန်နီ

နှင်းစန်နီ ဆိုတာ ထွန်းအောင် ကအံသြသောအသံ နဲ့ပြောခြင်းဖြစ်သည်။

ငါတို့အတန်းထဲကို ဒီနှစ်မှ ပြောင်းလာတဲ့ သူဌေးသမီးတစ်ယောက် လိုချင်တဲ့ကောင်လေးတွေ ဝိုင်းဝိုင်းလည်နေတဲ့တစ်ယောက်မို့လား ထွန်အောင်စကားကို ရန်အောင်ကဆက်ပြောခြင်းဖြစ်သည်။

ငါအချစ်တွေကသူ့အပေါ်မှာသူ့ရဲ့ဂုဏ်ရှိန် စည်းစိမ်ဥစ္စာဓနတွေကြောင့်မဟုတ်ဘူး၊သူ့ရဲ့အလှကြောင့်လည်းမဟုတ်ဘူး၊ငါရင်ထဲမှာကိုက သူကိုမြတ်မြတ်နိုးနိုးစွဲစွဲလမ်းလမ်းချစ်နေမိတာ။အခုနေသူကိုငါချစ်တာ သူသိသွားရင်လည်းငါကိုသူဘေးမှာဝိုင်းနေတဲ့သူတွေလို သူ့ရဲ့ဂုဏ်ရှိန် စည်းစိမ်ဥစ္စာဓနတွေကြောင့်ချစ်တယ်ထင်သွားမယ်။

တကယ်တမ်းတော့လည်း ငါနဲ့သူနဲ့က မဖြစ်နိုင်ပါဘူး။သူက အဆင့်အတန်းရှိ ပညာတတ် ချမ်းသာတဲ့သူတစ်ယောက်လေ။ငါတို့လိုသာမန်လူတစ်ယောက်ကိုစဉ်းစားပေးဖို့အချိန်တောင်ရှိနိင်မယ်မထင်ပါဘူးကွာ


အဲလောက်လည်းစိတ်ဓါတ်ကိုချမထားပါနဲ့ကွာ ငါတို့အားလုံးလည်းမင်းကိုဝိုင်းဝင်းကူညီပေးကြမယ်။

ငါကိုမင်းတို့ဘယ်လိုဘဲကူညီကူညီသူငါကိုချစ်မလာနိုင်ဘူးဆိုတာငါသိပါတယ်။ငါတို့ကအဆင့်အတန်းတအားကွာဝေးလွန်းပါတယ်။

သူငါအချစ်ကိုတုံ့ပြန်လိမ့်မှာမဟုတ်ဘူးဆိုတာသိပေမယ့်။ငါသူကိုနောက်ဆုံးအနေနဲ့ငါ့သူအတွက်ရေးဖွဲ့ထားတဲ့ကဗျာခုနစ်ပုဒ်ကိုသူမ
မသိအောင်ရက်ဆက်ပေးချင်တယ်ကွာ မင်းတို့ကူညီးပေးနိုင်မလား

တို့အားလုံးကမင်းရဲ့ဆိုးတူကောင်းဖက်သူငယ်ချင်းတွေဘဲ တို့အားလုံးဝိုင်းဝင်းကြိုးစားကြမယ်လေ ရဲနိုင်ကပြောလိုက်သည်။


ထိုသို့ဖြင့်ကျွန်တော်ရဲ့အချစ်များသည်လျှိုဝှက်ခြင်း၊မျိုသိပ်ခြင်းများနှင့်အစပြုခဲ့မိသည်။


ဆက်ရန်
မောင်ငယ် (မုံရွာနည်းပညာတက္ကသိုလ်)