By Mg Nge
တောက်ပတဲ့ မျက်ဝန်းတစ်စုံက
နှလုံးသားကို လှုပ်ခတ်စေသလား
ညှို့ တတ်တဲ့ မျက်ဝန်းညိုက
နှလုံးသားကို ညှို့ငင်လေသလား
ဆေးမဆိုးတဲ့ ဆံနွယ်ရှည်က
နှလုံးသားကို တုန်လှုပ်စေသလား
လှပတဲ့ အပြုံးတစ်ချက်က
နှလုံးသားကို စုံမက်စေသလား
ပြောတတ်တဲ့ နှုတ်ခမ်းပါးက
နှလုံးသားကို လှိုက်မောစေသလား
ရိုးသားတဲ့ စိတ်သဘောထားက
နှလုံးသားကို နွေးထွေးစေသလား
ယဉ်ကျေးတဲ့ သူဟန်သွင်က
နှလုံးသားကို ရင်ခုန်စေသလား
ထိုသို့အချက်တွေ ဖြစ်စေကာမူ
နှလုံးသားရဲ့ ကမ္ဗည်းထက်၌
အကြောင်းပြချက်မရှိ အမြဲချစ်၏။
နက်မှောင်ကေသာ ဆံနွယ်ရှည်နဲ့
ရွန်းလဲ့တောက်ပ ညိုမျက်ဝန်းရယ်
အဆုံးမဲ့တဲ့ အပြုံးတစ်ချက်နဲ့
ရိုးသားစိတ်ထား ယဉ်ကျေးမှုကြောင့်
ချစ်သည်မဟုတ်…
နှလုံးသားထက် ခံစားချက်က
ချစ်၍အစဉ် ဖြစ်ပေါ်တတ်၏။
မောင်ငယ်(မုံရွာနည်းပညာတက္ကသိုလ်)
No comments:
Post a Comment